ይቅርታሽን ብዬ

             ይቅርታሽን 

እንዴት ሳላስቀይም  እንዴት ሳላስከፋሽ

ለቁጣ የሚያደርስ በደል ሳልበድልሽ

ለመጥፎ ነገር አንዴም ሳላስብሽ

ስምሽን ሳልጠራ ለሰዉም ሳላማሽ

ከልቤ  አዉጥቼ  አፌ ሳላደርስሽ
የሚያስከፋ ነገር ቃል ካፌ ሳይወጣ፣

ይቅርታሽን ብዬ  አደባባይ ልዉጣ?

          እንኳን ያጠፋ ሰዉ  ፍቅርን የበደለ፥

          ንጉስ ይቅር ይላል  ፍርድ ካጓደለ፤

          ስሜት የሚያስቆጣ የሚያስከፋ  ነገር

          በልቡ ያሰበ  ካፉ ያመለጠዉ፥

          ፍቅሩ እንዲሰነብት

          ይቅርታ መጠየቅ  ይሆናል ግዴታዉ፤

ጡር ይሁን  አልልም  ጡር አይድረስብሽ

ግፍ  ነዉም  አልልም ግፍ አይሁንብሽ

ልትዋሽ የማትችይዉ  እዉነቱን የሚያዉቀዉ

                                ህሊናሽ ይዉቀስሽ።

                                                  ታህሳስ 1 2006

                                         አዲስ አበባ
                                         እዮብ መርሻ

ከወገብሽ በታች ልታንበረክኪ

ለእኔ መስሎኝ እንዲያ ስትንሰቀሰቂ

በእንባ ማእበል ሳቢያ ስትንቦጫረቂ

እጅሽን ዘርግተሽ አምላክሽን ስጠሪ

ማጥመድሽ ነዉና ከልቤ ልትገቢ

ከወገብሽ በታች ልታንበረክኪ

እኔ ጋ አልተሳካም ሌላ ሰዉ ፈልጊ

ከአእምሮሽ አስወጪኝ ከጎኔ ራቂ::

                                      ታህሳስ 2000 ዓ/ም

                                      ድሬዳዋ

                                      እዮብ መርሻ

እኔስ ላንቺ ነኝ ስንተኛሽ？

ማንኛዉ ነዉ ስንተኛሽ?

ሳትደብቂ ሳትዋሽ

የቱን ወደድሽ

ማን ? ደላሽ

ሁሉን ነገር ያሳየሽ
የተዳራሽ ያስተኛሽ
የስሜትሽን የቸረሽ

ፍላጎትሽን ያሟላልሽ

የተላፋሽ ያዝናናሽ

ፍቅር በጣም የሰጠሽ

ቀጭኑ ነዉ？ ረዥሙ ？

ማንኛዉ ነዉ? ስንተኛሽ?

ያስቀመጥሽዉ በልብሽ

የተሳለዉ በአእምሮሽ

በሰዓታት መዉደድሽ

ጊዜ ቀንቶት የታደለዉ

ዛሬ ተራዉየደረሰዉ

እሱ ማን ነዉ？ስንት ቁጥሩ？

ያስጎመዠሽ ዉበት ብሩ

የተመቸሽ ትኩስ ፍቅሩ

                      እኔስ ላንቺ ነኝ ስንተኛሽ？ትላንትና የወደድሽኝ

                      ያለ ቢጫ ቀይ ብለሽኝ  ዛሬ ደግሞ የሸኘሽኝ

                      አዲስ ሌላ ያልዳበስሽዉ

                     ያላወቅሽዉ ያልቀመስሽዉ

                     ያ！ የዛሬዉጣፋጭ ማርሽ

                     የምተፊዉ ነገ መሮሽ

                     እንዲገባ አሁን ከጂሽ

                    ቶሎ ፈጥነሽ ተሽቀዳድመሽ

                    ምጣጭሽን ወዲያ ተፍተሽ

                    ትኩሱን ማር እየላስሽ

                   ብትገፊበት  በዚህ ስራ
እኔም ደግሞ ተራዬ አልፎ

ይህ  ሁሉ ህዝብ ተሰልፎ
ብጠባበቅ ሌላ ተራ

ጊዜዉ ደርሶ እስክጠራ

እንደገና ብፈልግሽ  ፊት ባሳይሽ

የአዳምን ዘር ሁሉ ቀምሰሽ

መላላሱ መታገሱ ሳያጠገብሽ
ልታኝኪኝ ልትበይኝ ደግሞ ዞረሽ ትመጫለሽ

የሂዋን ዘር መቼም አንቺ ሀፍረት የለሽ：：

                                      እዮብ መርሻ እና ዉብሸት አሰፋ （ዶ/ር）

                                       ሐረር  1999 ዓ/ም

አጨስሽ

አዉቅሻለሁ አንቺን ከሁሉም በፊት

ቁጣሽ መከረኛ ስራሽ የመርገምት

አናዳጅ አቃጣይ ዉብ አለብላቢት

ምን አፍ አካፈተሽ በዉድቅት ሌሊት

ሰዎች አጨስሽ አሉኝ ነገሩኝ ያዩት::

                                                          ሰኔ  1999 ዓ/ም

                                                          ሐረር

                                                          እዮብ መርሻ

"እኔ ፍቅር ላይ ነኝ,,,"

"እኔ ፍቅር ላይ ነኝ,,,"

የወሬ ማድመቂያ  አደረጉኝ  አሉ

የኔን መዉደድ ማፍቀር  ሲያነሱ ሲጥሉ

ከንቶኔ ከእከሊት ይሆናል እያሉ

ሲያጋቡኝ ሲያፋቱኝ  ቀን ይመሻል አሉ

ሲበጠስ ሲቀጠል ሲነፈስ  ሲበጠር

ሲቦካ  ሲጋገር

ስሜ እንዲህ የዋለዉ

ያለአንዳች  አይደለም  ያለ ምክንያት

እሳት በሌለበት ጢስ ኧረ ከወዴት

                                አልክድም አልዋሽም  አላልኩም  ሀሰት

                                ይስሙትም  ይወቁት  ሁሉንም  ይረዱት

                                ለምን ጊዜ ያጥፉ  ለምንስ ያስቡት

                                በየወሬዉ መሃል  ስሜን  ለምን ያንሱት

                                ስጋዬን ቀን ከሌት ለምንስ ያላምጡት

እውነት ነዉ ልክ ነዉ  ኧረ አልተሳሳቱም

አዎ ፍቅር ላይ ነኝ  ለማንም አልክድም

መቼም ከማትርቀኝ  ከማትለወጥ

ከምትመጣልኝ  ብቻዬን  ስሆን

ከተቀመጠችዉ  ከሀሳቤ ስር

ከቀዝቃዛዉ ደሜ  ከልቤ  ሰፈር
እኔ  ፍቅር ላይ  ነኝ “ከትዝታ” ጋር።

                                        

                                                    ህዳር 30 ፥2006አዲስ  አበባ

                                                              እዮብ መርሻ

“አይኗ አይኔን እያየዉ᎐᎐᎐᎐᎐”

    “አይኗ  አይኔን  እያየዉ᎐᎐᎐᎐᎐”
ቀጥራኝ  ስጠብቃት  የዉሃ ላይ ሽታ የሆነች እንደሆን
ስልኬን ሳታነሳ የቀረች እንደሆን

ለመልዕክቴ  ምላሽ የነፈገችኝ ቀን

ከአከሌ  ጋር  ሆና  አየናት ያሉኝ ቀን

ደግሞም አግር ጥሎኝ በአይኔ  በብረቱ

ከሌላ ጎበዝ ጋር ያየሁአት አንደሆን            

               እንገበገባለሁ  እብከነከናለሁ

               የመከዳት ስሜት   የመከፋት ስሜት  በፊቴ  አሳያለሁ

              ፊቴ ተኮማትሮ

              ከሰል መስሎ ጠቁሮ
              ዝናብ የቋጠረ ደመና እመስላለሁ

              ብቻዬን አጉተመትማለሁ

              ጨርቁን እንደጣለ  እንዳበደ  ሰዉ

              እጄን ወዲያ ወዲህ አወረጫጫለሁ

              ቆይ ትምጣልኝ ብዬ እጅግ እዝታለሁ

              እጄን  በእጄ ቡጢ                    

              ደግሜ ደግሜ ደግሜ  እመታለሁ::

ብርሃኑ ቀኔ  በእሷ ጨልሞብኝ

እሸሽበት መንደር

እገባበት ጉድጓድ እጠፋበት ሰፈር፣

ካሳቤ ጠፍቶብኝ

ደግሞም ቅናት ቢጤ  እያንጨረጨኝ

ደም  ደም አሸትቶ   እያቀጣጠለኝ

ሃሳብ ሆዴ  ገብቶ  እያብከነከነኝ፣

የመጨረሻ  ነዉ  ዛሬስ በቃ እላለሁ

ትምጣና  እምላትን  እኔ  አዉቅላታለሁ

የት ነበርሽ?? ከማን ጋር?? እያልኩ አጣድፋታለሁ

ከእግሯ እስከ ራሷ እወርድባታለሁ      

እንዲህ ነሽ እንዲያ  ነሽ እያልኩ  እላታለሁ
ያየሁባትንም የሰማሁትንም
ዘክዝኬ  ዘክዝኬ  አወራላታለሁ
ንዴቴን  በሙሉ  አውጣባታለሁ
አልያም ሰድቢያት  ባለችበት  ቆማ ትቻት  አሄዳለሁ
ሁለተኛ አይንሽን አንዳላየዉ ብዬ አባርራታለሁ
         ብዬ አደነፋለሁ  !!!
         ብዬ አገዘታለሁ !!!


ታዲያ ስትመጣ  ስትቆም  ከፊቴ
አይኗ  ሲስለመለም  አያየሁት ባይኔ
ችግሩ ከማን  ነዉ  ከሷ  ነዉ ውይ  ከኔ
ብዬ አጠይቃለሁ  ከጋለዉ ስሜቴ  እቆራረጣለሁ
ባጠመደኝ አይኗ  ወኔዬ ተሰልቦ እበረግጋለሁ
ጥፋቱ የኔዉ ብዬ  እመለሳለሁ።
                     ግን  ምን  አረገችኝ  ምስኪን  ናት ፣ ቆንጆ ናት
                     በዚህ ላይ ደግሞ ያለኔስ  ማን አላት
                     ደግሞም  የሰማሁት ያየሁት በሙሉ
                     እዉነት መሆኑንስ  በምን አዉቃለሁኝ
                     እንድያዉ ነዉ ዝምብዬ  እሷን የኮነንኩኝ
                                                    ብዬ  እሞኛለሁኝ።
                 

አዬ ድንፋታ አቴ   አዬ  መንቆራጠጥ
መንቸርጨር  መቃጠል ማለት ቁጭ  ብድግ
ለዚሁ  ነዉ ለካ
አጇ  አጄን  ፈልጎ አስኪነካ
ጥርሷ  በፈገግታ  በጥልቅ  አስኪፈካ
አይኗ  ካይኔ  ጋራ አስኪያወካ
ከንፈሯ ከንፈሬን  አስኪሄድ  ፍለጋ።

                     ታዲያ እንዲሁ  አልቀረሁ
                     እንደዛትኩ  እንደማልኩ  እንደተገዘትሁ
                     አንድ ቀን ተሳክቶ
                    መርበርበዴ  ቀርቶ
                    የልቤን የዉስጤን  አንበልብየዋለሁ
                    የመጨረሻዉን  አንድ አረፍተ -ነገር  ተንፍሼላታለሁ
                    ብያለሁ ብያለሁ እኔስ ደፍሬአለሁ
                    "ምንም ብታደርግኝ እኔ  ወድሻለሁ"
                    አይኗ አይኔን እያየዉ ሌላ ምን እላለሁ።

ደግሞም ስንለያይ  በራሴ እያፈርኩ
በአጉል  ጉራዬ  ለራሴ እየበሸቅሁ
ለህሊናዬ መልስ ምክንያት  ፍለጋ
እጄን እያፋተግሁ ሳዘግም ሳወጋ 
                   አይኗ አይኔን ባያየዉ እነግራት ነበረ  ብዬ  እታበያለሁ
                   አልፈራም ነበረ  ባታስለመልመዉ  ባታንከባልለዉ 
                                                     ብዬ  እፀፀታለሁ:: 
   

ግና  ብትጨፍን  አይኗን ብትከድነዉ
ተሳክቶልኝ  ለአፍታ  አይኗ አይኔን ባያየዉ
እንኳንስ ልሳደብ እንኳንስ ላማርር
አሸናፊነቱ  አስበርጋጊነቱ ይለኛል ቅርቅር::    
   

                                   ታህሳስ  1  2006

                                    አዲስ  አበባ

                                    እዮብ  መርሻ

               

"ታምኝኝ ይሆን ...............????"

ጭንቅ ጥብብ ቅትትት

እብድ    ክንፍ ሙትትትት

ሰዉነቴ ጥቁር  ክስት

የአልታይነት  እልም ጥፍት

ሳቅ ጨዋታ  ቅርት ትዉት

በእንቅልፍ  ማጣት  አይኔ ክርትት

ማሰብ ትቼ  ስለትምህርት

                        ባንቺ መዉደድ  ባንቺ  ፍቅር

                         ንብዝብዝብዝ  ስክርክርክር

                         ድብን  ቅጥል  እርርርርርር

                         አልኩኝ  ብየ  ባወራልሽ

                        ታምኝኝ  ይሆን  እዉነት  መስሎሽ????

ግን  ለእኔ  ፍቅር  መቼ  ይሄ ሆኖ

ሀዘን ጭንቀት ባንቺ  ሀሳብ  ተሸፍኖ

አእምሮዬ  ነቅቶ  ባንኖ

የሚያስደስት       የሚያረካ

የሚያዎፍር        የሚያፈካ

የሚያኮራ          የሚያስመካ

ወኔ  ሰጥቶ        እሚያነሳሳኝ

በአላማየ          እያጸናኝ

አዲስ ተስፋ      አስነግቦኝ

ልዩ  ደስታን      የሚቸረኝ

ያንቺ  ፍቅር  ጤና  እንጂ

መቼ  ለእኔ  ህመም  ሆነኝ!!!።

                               1998፥ ሐረር

                              እዮብ መርሻ  እና  ዉብሸት  አሰፋ

                  

ግን ታስታዉሺያለሽ ???

ግን   ታዉቂልኛለሽ ???
ግን  ታስታዉሺያለሽ ???
                  በዚያ  በቁር  አየር
                  አጥንት  በሚሰማ     በሚያንዘፈዝፍ   ብርድ
                  ከቅዝቃዜዉ  ብዛት   አግሬ  ምንም   ቢዝል 
                                            አግርሽ  ምንም   ቢርድ፣ 
                  ደከመኝ  አላልኩም   ደከመኝ  አላልሽም
                  አመመኝ  አላልኩም   አመመኝ  አላልሽም
                  የተቀመጥንበት ቢቀዘቅዘንም  ቢቆረቁረንም 
                  ምቾት  ቢነሳንም  አላለያየንም  
                  አቅፌሽ   አቅፈሽኝ     ረጅም ሰዓታት 
                                                 አብረን  ተቀምጠናል 
                                                 አብረንም  ቆመናል ፣
                  ካለንበት ቦታ    አዚሁ ቁጭ በለን  
                                                 በስሜት  መጥቀናል
                  በአንዳች  ልዩ ስሜት   ዋኝተናል  ቀዝፈናል !!!::

ግን   ታስቢዋለሽ ???
ግን   ታስታዉሻለሽ ???
                         በአኩለ  ሌሊት    በሚያስፈራ  ግርማ 
                         በምያፏጭ  ንፋስ  በድቅድቅ  ጨለማ 
                         ከጅብ አስደንጋጭ  ደምጽ   ከቀበሮ  ጩሀት
                         ከዉሾቹ  ስርያ  ከሀማዎች  ፉጨት
                         ከአግረ  ደረቅ ኮቴ   ከሰዎች  ሹክሹክታ
                         ሩቅ  ካለዉ ወሬ  ከሳቅ  ከሁካታ
                         ከዛፎች  ዝማሜ  ከንፋስ  ሽዉታ
                                                ከቅጠል  ኮሽታ
                         አኔን  የተሰማኝ  የልብሽ  ትርታ !!!::


ግን ታስታዉሻለሽ ???
ግን   ትረጅኛለሽ ???
                         ከአገር ምድሩ  ሁሉ  ከአየሩ መአዛ 
                         ሳር  ቅጠሉ  ሳይቀር   ያለው በየታዛ 
                         አጅግ ከማይመስጥ  ከሽንት  ቤት  ፍሳሽ 
                                                        ከቆሻሻ  ቦታ 
                        አጅጉን  ይግረምሽ  
                        አጅጉን  ይድነቅሽ
                        ደግሞም   ከሚያዉደዉ  ከአበቦቹ   ሽታ 
                        አኔን  የተሰማኝ   የአንገትሽ  ስር  ሽታ !!!::



ግን  ታዉቂልኛለሽ ???
ገን  ታስታዉሻለሽ ???
                         ርግጥ  ነዉ  ይበርዳል   አጥንትን  ይሰማል 
                         ሌላዉ   ሰዉ  ደራርቦ   ከንፈሩ  ይርዳል 
                         አጁን  ኪሱ   ከቷል   ጥርሱንም  ያፋጫል  
                         ታዉቂያለሽ  አኔ  ግን   በቅጡም  አለበስኩ 
                                             አንደ  ሰዉ   አልደረብኩ 
                        ግን  አኔ  ግያለሁ   በጣሙን   ሞቂያለሁ 
                        አንደ   ግንቦት  ፀሐይ  አጅግ   አፋጃለሁ 
                        ለምን  አንደሆነ  ታዉቂያለሽ  አዉቃለሁ 
                        ስለነበረ  ነዉ  ከዚያ  ሁሉ  ስሜት 
                        አኔን  የተሰማኝ  የአንገትሽ  ስር ሙቀት 
                                              የደም   ስርሽ  ዑደት
                                                  የደረትሽ  ግለት!!!::

       

ግን   ታስታዉሻለሽ ???
ግን  ታዉቂልኛለሽ ??? 
                                 ምን   አጅግ  ቢጨልም
                                 ለአይን  ባይታይም
                                 አካልሽ  ከአካሌ  በቃላት በድምፀት  ባይነጋገሩም 
                                 ጣቶችሽ   ጣቶቼን  ፈልገዉ  አያጡም 
                                 ከንፈርሽ   ከንፈሬን  ትንሽ  አንኩዋ  አይስትም !!!::



ግን  ታስታዉሻለሽ ???
ግን   ታዝኝልኛለሽ ???
                                   የድምፄን   መሻከር   የስትንፋሴን  ድክመት 
                                   የአፌን   መንተባተብ  አጥረቴን   ከቃላት 
                                   የከንፈሬን  መራድ   የትንፋሼን   ሙቀት 
                                   የአይኔን   መስለምለም  ድክምክም  ማለት ::



                  ምን  ታስታዉሻለሽ   ምን  ትረጅኛለሽ 
                  ምን  ታዉቂልኛለሽ   ምን ታዝኝልኛለሽ
                  ከንፈሬ  አያዎራ  ከጋለዉ   አንገትሽ  
                  ደረቴ   አያዎጋ  ከጋለዉ ደረትሽ 
                  አጅሽ  በጄ  መሃል  በላብ  ተጠምቆብሽ 
                  ለአፍታ ለደቂቃ  ጊዜ  ቢያገኝ  አፍሽ 
                  ስወድህ ስወድህ ስወድህ   በማለት 
                                                   ትሸዉጅኛለሽ !!!!!!!!!!!!!!!!!!!!!!!!!::




                                                                                           ህዳር ፣2006
                                                              አዲስ   አበባ 
                                                              አዮብ  መርሻ 

.....................የተረዱ ለታ "

ፊቱን  አንዳላየዉ  አንዴት  አንዳስጠላኝ!
ማን ሰዉ በነገረዉ  ማንስ  ባስረዳልኝ
ስሙን  አትጥሩብኝ  አታንሱት  ከፊቴ!
አንጀቴ አይቃጠል  ይከፋል ስሜቴ
ብለሽ አልሽኝ  አሉ  ጆሮ አይሰማዉ  የለ
የአፍሽን  ነገሩኝ  የልብሽ  የታለ ???
                         አንደ  አባትሽ ገዳይ  አንደ   አናትሽ  ገዳይ
                         አንደ   ማርያም  ጠላት  ሰዉ  አንደበላሰዉ
                                                        አንደ   ነብሰ ገዳይ
                         ርኩስ ከመ  አርዮስ
                                             ጥንብ ርኩስ!!! ጥንብ ርኩስ!!!
                         አደረግሽኝ  አሉ
                                            ክፉ ተንኮለኛ  አመለ ልክስክስ
                        ያፍሽን  በሙሉ ሰማሁ  በጆሮዬ
                        የልብሽን ደግሞ አሰብኩት በልቤ
                        ግና  አንደተሰማኝ ልቤ አንደነገረኝ
                        የአፍና የልብሽ ለየቅል ነዉ አለኝ
 ጥላቻ አና  ስድብሽ
ጉራ  አና ርግማንሽ
ንቀት  ማንቁአሸሽሽ
ከደት  ማስመሰልሽ
                          አኔን ደስ ይለኛል
                          የቅናት  መሆኑን  መንፈሴ ነግሮኛል
                          ከአንቺዉጋ  አምዉለዉ  ልቤም ያዉቅልኛል
 አፍሽ መጥፎ ነገር  ግን ያቆመ  ለታ
 ካንደበትሽ ጥሩ የፈለቀ ለታ
 በአንገት  በላይ ሳቅሽ  ጥርስሽ ካልተረታ
 "ስወድህ " የሚለዉ  ቃልሽ  ከተፈታ
                      ከልብሽ መሆንሽን
                      ከቀልብሽ  መሆንሽን   

                      ካንቺዉ  አሚዉለዉ ልቤ ከተረዳ 

                      አኔን አንደራቀኝ
                                        የልብሽ ትርታ
                                        የአንገትሽ  ስር  ሽታ
                      አኔን አንደረሳኝ
                                       የከንፈርሽ  ሙቀት
                                       የመዳፍሽ  ግለት
                                       የጣትሽ  መንቀጥቀጥ
                                       የአፍሽ  ትኩሳት
ስሜቴም  መንፈሴም  የተረዱ  ለታ
ምን  ይዉጠኝ  ይሆን ????????????
                       አስቢዉ  በርጋታ !!!!!!!!! ።


                                                          ጥቅምት  27፣ 2006
                                                           አዲስ  አበባ
                                                             አዮብ  መርሻ 

ለአንደኔ አይነቱማ

ከነገሮች  በፊት  ድሮ  አተም  ነበረች 
በጊዚዎች  ሂደት  አተም  ተለጠጠች 
በቢግባንግ  ክስተት  ዩንቨርስ  ተፈጠረች 
ትንሽቷ  አካል  ይኅዉ  አንዲህ  ሆነች 

ቢሊዮን  ከዋክብት  በዉስጧ  ከተተች 
አያሌ  ፕላኔት  አያሌ  ጨረቃ  አጠረቃቀመች 
                                                              
                                     ይለኛል  በሳይንስ   አሱ  በተማረዉ 
                                     ገባኝ  አልገባኝ  አሱ  ምን  ቸገረዉ 
                                      ማወቁን  ማወቄ  ከኔ  አሚጠበቀዉ 

ለአንደኔ  አይነቱማ  ሳይንስ  ለራቀዉ 
የመረጃ  ርቀት  የመረጃ  ጉድለት  ለማያስጨንቀዉ 
ከሆዱ  በስተቀር ግድ  ለማይሰጠዉ 
የከርሱ  መገቸር  አርካታዉ  ለሆነዉ 
በዋዛ ፈዛዛ  ጊዜ  ለሚገድለዉ 

                                         
                                        አተም የጤፍ  ዱቄት 
                                        ዩንቨርስም  ቡሃቃ  
                                        ቢግባንግም  ኩፍታ 
                                        መሆኑን  ቢረዳ 
                                        ኧረ አንደምን  ብሎ በሳቅ  በፈነዳ::





                                                                        ጥር 2001                                                                                 አዲስ አበባ 
                                                                                                                            አዮብ መርሻ